دعوة مناقشة للنساء فقط

اخواتي الباكستانيات صباح الخيروالورد معاكم ام سلطان من بلوشستان بس البنات الي يشاركون معاي هذا الموضوع وبما اني معمرة بهل الديرة اريد ان نناقش قضية حلوة الاوهي ما الذي يفرحكي ويعجبكي اذا زرتي بلادك بعد غربت طويلة او قصيرة وما الذي تحسين بلحزن نحوه وماذا تتمنين انه تجدينه هنا على سبيل المثال هناك عائلة قابلتها قبل فترة وهم جائو لارض الوطن من استراليا بعد غياب طويل لكنهم يريدون العودة من حيث اتوا بسبب الامراض التي المت بهم جميعا وهناك المئات من الناس الذين رجعوا لبلادهم باكستان بعد هجرت طويلة ولكنهم اصيبوا با مراض نفسية ومنهم تحضرني حالة اطفال صغار جاؤ مع اهليهم لقضاء الاجازة هنا وبدؤا يبكون ما في اكل هنا مو كل الناس غنيه لكن الواقع كذا وفيه ناس مبسوطه جايبه معاها اكل ستة شهور او اهليهم يرسلون لهم فلوس بين كل فترة ومن ناحية اخرى فيه ناس بعد معانات طويلة وبعد ان استقرت بهم الاوضاع عا يشين هنا مبسوطين لكنهم يتمنون اشياء جميلة تكون في بلادهم والان سؤالي سواء كنت في باكستان او اي منطقة بلعالم ولانك باكستانية الاصل ما الذي يعجبكي وما الذي لا يعجبكي في با كستان اترك الحوار مفتوح وتذكرو للنساء فقط

هههههههه خيتو أم سلطان
ياهلا بك معنا
شكلك مرة معادية الذكور هذا الموضوع يناسبهم كمان؟؟؟!!!!
أما بالنسبة لإسمك راسلي الأخت بنت باكستان بتعدلك إياه.....

أسئلتك مرة حلوة بس طوييييييييله يبي لي وقت
عشان اجاوبهم لي رجعة إن شاءالله لين أفضى,,,

وميرسي ثانيتين لكي.. شو رايك تبدي بالرد انتي؟؟

الله يعني قعدة نسوان..
عجيب..آنه بجيب شاي او مكسرات بعد!!
بس أخلص من آخر إمتحان باجر بالحقكم على الخط..

موضوع رائع
والله بالنسبة الحين باكستان تطورت كثير يعني الاحظ اغلبية الاشياء موجودة
بالنسبة للمرض اكيد الواحد يتغير عليه كل شيء فلازم يمرض
انا اذا رحت باكستان استانس كثيركفاية انه الانسان ببلده حرية يسوي الي يبيه

الي اتنمناه الامن يرجع والكهرباء ما تقطع بس
والباقي كل شيء عادي عندي

ووبلاخير كل انسان يكون متعلق بمكان عاش فيه كل حياته فجاة اذا رجع ديرته شيء اكيد يحس بغربة ومشاكل
وهذا يعتمد على الانسان اذا يبغى يتاقلم يقدر واذا ما يبي وحط في باله ما اقدر خلاص ما يتاقلم
وتقبلي مروري

أنا عشت طفولتي في باكستان وحتى اليوم مستحيل انسى اي شئ فيها بس غادرت الباكستان وأنا صغيرة ودايما بسمع انه باكستان بلاد السحر والجمال والخير وانه أهلها ناس بسطاء جدا وطيبين الى أبعد الحدود وأنا حلمي هلأ اني أزور الباكستان بلدي الحبيب لكن في شي واحد يمنعني من زيارتها وهو غياب الأمان وكثرة المشاكل والتفجيرات يعني الواحد اذا بده يروح يمشي بالسوق لازم يتوقع بأي لحظة أنه يصير شي انفجار ويموت بسببه وأخيرا بتمنى انه يعم السلام والأمان ببلدي الغالي لكي يكون باستطاعتي زيارته

جنج عارفه اني توني راجعه من باكستان والي أول مره في حياتي أزورها صراحه انصعقت من الي فيها

أول ما طلعت من المطار انكتمت من ريحة الحرايق الي يسونها شنو الحكمه منها خخخخخ يعني بينظفون الشوارع
كل ما انتي ماشيه بالسياره اتلاحظين ناس نايمه على رصيف الشارع ومو هامها شي
صراحه شي يخرع و اتلاقين يهال اصغار يجمعون الزباله ويحرقونها خخخخخ ولما وصلنا لحب جوكي ونزلنا ريحه خايسه من البواليع المكشوفه صراحه قرف قرف ايشلون الناس الي عايشين اهناك مستحملين هالريحه
طول ما أنا كنت في باكستان كنت امزكمه نسيت ان عندي حاسه أشم فيها خخخخخ والبعوض يماااااا منها كل وحده أكبر من الثانيه ترى ما يفيد معاهم شي
و الكهربا كل ساعه رايحه شنو هاي صراحه اتلعوزت وايد كنت كله أحسب متى راح نرجع لقطر بس
عقب أسبوع جني اتعودت شوي وبعدها طلعنا للأسواق و الصالونات و الأماكن السياحيه يعني استانست وايد والبحر عجيب اهناك بس المشكله في الأكل مافي شي يشهي مافي شي تاكلينه كل شي طعمه موب حلو استغفر الله و المستشفيات وع
لا نظافه ولاشي بس كراتشي مستشفياتهم حلوه وكبيره ونظيفه
و علاجهم وايد زين و الشي الحلو انج اهناك تقدرين تتمشين
و تطلعين على كيفج يعني كل أهلج في منطقه وحده اتزورين
الي تبين وهم بعد يمرونج يعني لمة الأهل اهناك شي ثاني
و أكثر شي عجبني الركشا خخخخ كنت أستانس لما أركبها و أعراسهم بعد وايد حلوه ايه صح شي ثاني ما قلته المتسولين اهناك وايد ويخرعون يلحقونج وين ما اتروحين الحمدلله ان احنا كنا ناخذ خالي يروح السوق معانا
فكان يهاوشهم ايه صح والبيوت اهناك وايد حلوه كلها فلل فخمه
يعني اهناك الكل أغنياء
أتذكر مره كنا رايحين الجمعيه وكنا قاعدين نتجهز الا أبوي اتصل من قطر فقعدنا انكلمه والا شوي نسمع صوت انفجار وصراخ بعض الناس وأصوات سيارات الشرطه والاسعاف
اتخيلوا وين صار الانفجار في الجمعيه الي كنا رايحين لها عقبها حرمت اني أطلع لمكان و حمدت ربي ألف مره انه نجانا خخخخخ بس بعد أيام نسيت الي صار ورحت أتسوق ههههههه صج حريم

قعدنا اهناك أربع شهور وصج كانت أيام حلوه أحسن من الحكره الي احنا فيها في قطر ما نقدر نطلع لمكان الا بالسياره وبيتنا بعيد عن أهلنا الي اهني واذا قالوا لي أهلي بنروح لباكستان يمكن أنا أول وحده بجهز شنطتي
وشكرا لصاحبة الموضوع ذكرتيني بأيام حلوه مستحيل أنساها

السلام عليكم ....

أخ حميد أنت رجل مش هيك ؟

وقمت بدعوة الفتيات !!!

وكأن الرجال لا يهمهم السفر الى باكستان ؟؟
على كل حال شكرا لك .

أحلى أيامي تكون في القرية حيث الخضرة تغطي المكان وصحيح في بواليع مكشوفة بس ما تؤثر لكثرة الزرع والجو النظيف..
والله أحلم بهذه الأشياء قبل أن أراها ،
جميل جدا .

أنا الصراحه لما كتبت رايي قلت كل الي مريت فيه شخصيا
و ما كان قصدي اني أعيب على بلادي ولا شي و قلت بعد ان
باكستان بلاد حلوه بس الوضع الي هم فيه مش ولا بد

مين منا ما يتمنى ان بلاده يصير أحسن شي
و بعدين مسألة النظافه صراحه هاي أهم شي ليش ما يهتمون
في هالشي وأغلب الأمراض الي تصيبهم بسبة التلوث الي هم
يسونها يعني الناس الي اهناك يبي لهم توعيه لهاالمسأله


وبعدين المستشفيات الي كنا انروح لها كانت خاصه موب حكوميه وبعد كانت مو انظيفه وتلوع الجبد أنا أستغرب من كمية الفلوس الي ياخذونها من المرضى وفي الأخير حتى ما يحطون له سرير انظيف يعني كل شي مو زين في باكستان بسبة أهلها
الي عايشين فيه وما يهتمون انهم يطورونه ويصيرون أحسن
الكل فالح فيه بس يجمع فلوس حق نفسه والبلد ومصالحه وشعبه
آخر همهم

كر ذاج الايام اصيح وخاطري ارجع مرة ثانيه لكن هالمرة يمكن مارجع


واني مهما كان الاكل او كل شي كللللللل شي يعجبني في باكستان ولو حطولي اشهى الماكولات راح اختار ماكولات وطني الغاااااااالي

انكسرت يدي واني اكتب القصة ويوم حطيتها كانت انمسحت وماقدر اكتبها مرة ثانيه بس المهم مهما كان راح يظل احلى بلللللللد واغلى بلللللد

اوكي راح اكتبها انشاء بس صبروا شوووي اوكي
الحيين هلايام مشغوووله

هلا
مع وجود كل الصعوبات في قريتي و بلادي ومع وجود الفقر بس لما اروووح احس بحناان طول عمري ماحسيته لما اجوف كل الناس دار ماداري وكل الناس تحبج وتعزج وانتي طول اليوم معاج احد مو نفس هني طول اليوم تجوفين الجدران اني بصراحة من قريييه رااائعة في حب وحنان وتعاون واني صج اركل والامراض وااايد بس كنت فرحححاانه هناك حتى لو الاكل مو حلو اجلس واكل معاهم احب الجماعه مالت الاكل لما كنا البنات نقعد على شكل دااائرة وااااااي ماحلى ذاك اليوم وخصوصا الليالي والسهرات والهواااش اتذكر لحظة لحظة عشتها في بلاديولما كنا بنرجع ذاك اليوم حسيت اني ماراح يكون حنان وجماعات مثل الحين ولما كنت باطلع ماقدرت اتنفس حسيت ان خلاص راح يغمى عليه بس ماكان بيدي
وفي الاخير اقووول اللي يحب وطنه يقوي روووحه وينتصر على كل الصعوووبات بس مايقول حق بلاده شي سيء حتى لو فيه بس مايقدر يقوووله
وبالختااام احبك يابلااااااادي
pakistan zindabad
عاااااااااااشت بلاآآآآآآآدي قولوا كلكم عااااااااااااااشت