تعال شاركنا موقفك......افضح نفسك اشوي

مرة صار لي موقف يعني ما تفشلت فيه بس نوعاً ما و من غير ارادة فشلت الشخص الآخر..
مرة كنت حددديي مستعجلة في الجامعة بروح محاضرة الانجلش اللي دائماً اتأخر عليها..
و لما كنت امر من جدام مبنى العلوم كان في صبي طالع من المبنى, هو عباله انا بدخل المبنى ففتح لي الباب و وقف يقول تفضلي..انا من العجلة الزايدة ما عرفت اتصرف بلباقة قلت له "انا ما بدخل"
مسكييييين و عليه تفشل و انا و لا لاحظت كملت طريقي..بعدين استوعبت شلون الصبي ممكن يكون تفشل ..
مسكين ما بيسوي خير في بنت مرة ثانية
الله يسامحني!!

مشكورة ع المشاركة وع التفشيلة

العفو حاضرين حق التفشيل.....لول
عاد شوفو يا اعضاء انا تجرأت و شاركت..الحين ابي الكل يشارك ترى احنه اخوة هني عادي ما فيها فشلة..
و اذا ما شاركتو كلكم انا زعلانة رسمياً!!

محد بيشارك؟؟؟؟

مرة وانا صغير كنت العب بالسوق إلي قدام بيتنا كان في محل له بابين بالزاوية زجاج
وانا كل ما أعدي من هناك ادخل من الباب واخرج من الباب الثاني
مرة كان الباب مقفل وانا ماني داري جيت مقلع ماشي مليون ودبج بالباب
وشوية لاقيت كل الناس يطالعون فيا صراحة حسيت بإحراج شديد
وطلعت في راسي حبة كبيرة ههههه

هههههههه طلعت لك حبة كبيرة مثل الكارتون يعني ههههه
مشكور على روح المشاركة..

منورة خيتو

عنا فى غزة ايام الجيش الاسرائيلى كنت بارمى عليهم حجار وانا صغير لحقونى مسافة طويلة بالنسبة الى خفت كثير واتعبت كمان فقلت بانا باجرى بدى هلقيت اقف واغمض عيونى عشان مايشوفونى عمضت عيونى وبعد شوية جارتنا بتقولى ليش امغمض وانت واقف قلتلها عشان اليهود لاحقينى ومابدى يشوفونى هههههه

هههههههههه حلوة

هههههههه..رد فعل عفوي جداً
مشكور على المشاركة!!

منورة خيتو

هلا..
من زمان ادور واحوس براسي
ان صار لي موقف محرج بس ماتذكرت

عل العموم تذكرت موقف صار لصديقتي في المدرسه..
كانت حصة رياضيات الا وصديقتي قالت للمعلمه ابي اروح
الحمام "أكرمكم الله"
المهم راحت المسكينه وتقفل الباب عليها
والقفل اللي حاطينه جدييد بس طريقة التقفيل مرره غير
والمسكينه انحبست ومافي حد بالحمام كلو غيرها
وتصارخ وتدق الباب وتقول انا فلانه بنت فلان
فصل ..... افتحوا الباااااااااب
الا وبنت "الله يخليها"
كانت ماره تبي تنزل تحت سمعت صراخ
خافت وبعدين دخلت الحمام الا وعرفت شنو هي السالفه
وبعدين بعد محاوله من الطرفين الحمدلله انفتح الباب وطلعت وهي ترررركض
عـ الفصل وكل من شاف وجهها كان فيه جميييع الالوان
وبعدين حكت قصتها للفصل وكلهم ماسكين بطنهم من الضحك
الله لا يجيب هاليوم علينا

هههههه
مشكوووورة على المشاركة..

ذكرتيني بمواقف المدرسة
انا بعد بشارك بقصة من المدرسة
وحدة صديقتي كانت واايد عينها قوية يعني ما تخاف من الاحراج و هلون
كانت و المدرسة تشرح الدرس تقوم تروح تبطل الكبرد(الدولاب) و تدور عن فايلها و اذا قالت لها المدرسة شتسوين ترد عليها اني ابي فايلي اللي فيه اوراق الدرس و لا شلون بفهم
و كانت في نص الحصة لما الجميع يكونون مندمجين في الشرح تقوم من مكانها تمشي تتمخطر و تروح عند السلة بس عشان تبري قلمها
كانت ساعات في نص الحصة اذا عرفت ان احد استخدم الكبرد تقوم من مكانها و تروح تفتحه بس عشان تطالع اذا احد عفس عباتها اللي محطوطة داخل(عبالها كبرد البيت مال الثياب ههه) و تاخذها تفتحها و تطويها مرة ثانية في وسط اندهاش الجميع و ترجّعها و ترجع مكانها و هي تمشي على سعتها!!
والمدرسات كانو وايد ينزعجون من حركاتها بس ما يقدرون يقولون شي لانها ترد عليهم بالمنطق!!
مثلاً تقول : معلمة انا ماقدر اركز في الشرح اذا عرفت ان عبايتي معفسة في الكبرد أواذا قلمي مو مبري ماقدر انتبه لان طول الوقت انتظر متى ابريه
حدها كانت عينها قوية

مرة في بدايات الفصل هذي البنت صار لها موقف احرجها و تأدبت شوي
اللي صار انها مرة راحت الحمام
و في الرجعة مادري وين كانت سرحانة ف بالغلط دخلت الصف اللي جنبنا
دخلت كعادتها متجاهلة المدرسة و سيدة فتحت الكبرد مادري تبي كلينكس ولا شنو
حست ان الكبرد مو مال صفنا فالتفتت على ورى
الا البنات كلهم يطالعونها باستغراب كانها جاية عندهم تسرق كبردهم ولا شي
و شافت المدرسة وقفت الكتابة على السبورة و تطالعها كانها تقول لها :"خير بغيتي شي؟"
تقول لهم سوري بالغلط و شردت
ههههههههههههههههههههههه

العفوو

هههههههههههه
عنجد قوويه
حتى انا صديقتي دخلت فصل غلط وكمان
بكل ثقه ماشيه وتدور مكانها
الا واستغربت مو نفس بنات فصلها
وبعدين نزلت راسها وهرررررررررربت
بدون اعتذار ولا شي

هههه

منورين