طلبتك يايمه هاتي لي عروسه مالها رجلين!!

من طرف **Mish Mish** السبت سبتمبر 04, 2010 4:28 am

[ندعوك للتسجيل في المنتدى أو التعريف بنفسك لمعاينة هذه الصورة]

يجينا الفرج بكرا يا بنــــــتي بس .. لا تبكين

انا مااستحمل .. دموعك وهمساتك تبــكيني

نشف دمعي على خدي يا بنتي من .. ثلاث اسنين

وصارت كل آلامي تعيش .. وتلتـــحم فــــــيني

يا بنـــتي .. احبسي دمعك دخيلك اكتميه الحين

حرام الدمعة في عينك تعانق ماضي .. سنيني

تعالي واحظني فرحي وقولي للفرح .. اهلين

وخلي حزنك بقلبي دخيلك .. يابعـد عيني

اشوف الدنيا بعيونك واشوف الفرحة بك يا زين

وانا مالي سواك إنتِ وإنتِ شمعة تضويني

علام الهم في قلبك يابـــــنتي ليه .. ماتحكين

ابيك تكسري همك وانا امك قولي حاكيني

يايمـه ]حالتي صــــعبة ]انا.. والفقر صرنا اخوين
اعيش بظلمة همومي والاقي الهم .. يكويني

معاقة يمه من صغري معاقة تشتكي حق مين

مدام ان البشر تنظر لحالي بعطف يعميني

اناظر هالبشر واسال ..انا وش موقعي الحيــن؟؟

وش اللي يميز الأعمى عن اللي .. شوفهم زيني

فقيرة حظ يا يمـه وحالي تعمي العينين

من اللي يعشق ويهوى معاقة حظها .. شيني

سألتيني .. وش اتمنى يايمــــه منيتي شيين

يكون الفرح اولهم بعدها .. تعيش رجليني

انا ودي ومنا عيني يكون لجسمي .. بس رجلين

تساعدني على برك وبرك غايتي وديني

يا ليت الناس ترحمني وترحم .. حالة المسكين

ولا تجلس تناظرلي بنظره تجرح سنيني

تلاقين الفرح .. مظلم ونور الحزن وسط العين

وألاقي الهم والحسرة .. وسمها الوقت بجبيني

معاقة يمــــه قوليلي علامك .. ساكتة تبكين

كلامي ازعجك ادري وادري الدمع يشكيني

دخيلك يمـه لي رجوة مدامك قادرة تكفين

ابي لي لعبة يا يمــــه تكون الصادقة بعيني !!

طلبتك يمه هاتيلي عروسة مالها رجلين

وابيها تكون في كرسي ( معـــــاقة ) مثلي ترثيني؟؟

مما رآآق لي..~

تح’ـيآتي..~
~~Mish Mish~~