قصة أضحكتني وأحزنتني بنفس الوقت..~

من طرف **Mish Mish** الإثنين سبتمبر 06, 2010 6:09 am

السلام عليكم..~

بعض الناس انهبلت ولا هي منهبله خلقه!!

طلعت من هايبر ماركت قبل شوي وانا بركب موتري الا اشوف هناك اعلان

على قزاز الهايبر ماركت بيت للبيع وقريه كامله للبيع

لظروف السفر والابتعاث ؟!!!

وبسعر مغري بترا فيان

وحاط رقم جواله

المهم وانا ادق عليه قلت غدية بيبيع ومحتاج ونستفيد كم قرش بعد ترميم البيت

وجلست افكر وين هالحي فيه الي اسمه ترافيان

مايهم يمكن من الاحياء الجديده وطقتها

وانا الي ادق

حاط صدى اغنية طلال مداح كنغمة رن (مقادير ياقلب العناء )

قلت شكله عنده ظروف قاهره والرجال غرقان لشوشته ويبي يبيع باسرع وقت

وارجع ريوس واشق الاعلان قلت لاحد يشوفه ويخرب علينا البيعه ويسبقتا

المهم

رد مرحبا

قلت السلام عليكم

وعليكم السلام

كيف حالك اخوي ان شاء الله تمام

قال الحمدلله

قلت شفت اعلانك لبيع البيت

البيت جديد ولا قديم ؟

قال جديد من بدايات 2009

قلت كم سيم وحدك يالغالي

قال منيب طماع

وتراي سمح

وانا الي اقول بقلبي غدي الدرج مفصول ارغب له وفيه مسبح وبايكه وبيت شعر

ومكيفات اسبيلت والبويه فيلفت

المهم قلت وش المواصفات

وهو الي يقول

اخوي من جد فرصه لاتفوتك قال اسم الولد الله يسلمك قلت محمد

قال هذي الموصفات يابومحمد

قريتي في ترافيان

وانا الي اهوجس واقول شكله مطنوخ راعي قرى وشاليهات ومنتزهات

قلت الله يزيدك من نعيمه

شوي ويقول

عدد السكان 4077

لها 6 قرى فرعية

قلت مشاء الله تبارك الله

اشتراك قوي 20 على السيرفر

ترتيب القرية 1250

فيها320 ذهب (قلت شكل البير الارتوازي يسمونه ذهب من زود غلاه )

والمطلوب 1500 ريال يالشيخ

قلت وش الي ب1500

قلت بقلبي شكله مكثر اللبن او ان البيت فيه انا وش هالسعر

اكيد انه مهوب صاحي لا بالله 1500 اكيد مهبول ولا يحسبني باستاجر يومي

وانا الي اسئله

بكم

قال 1500

وانا الي اصرخ واقول انت صادق ولا تمزح

قال جاد يابو محمد ولولا الظروف قسم بالله ما ابيعها ؟؟؟

وانا الي اسئله الصك بسمك ؟؟ البيت عليه مشاكل ارث او غيره ؟

الحي معتمد من الامانه ؟؟؟؟؟

الخدمات واصله ؟؟

قال ياخوي انت وش فيك اي ارث واي مشاكل واي خدمات وهو الي يحطه على السبيكر

قلت شكلي احرجته والرجال حساس

قلت له

والبيت وينه فيه ؟؟؟؟؟؟

قال بترافيان

قلت وترافيان باي مكان ؟

قال ايش ؟

من قال ايش قلت شكلي غلطت قلت يالشيخ

الله يطول بعمرك حي ترافيان وين مكانه فيه ؟

قال تستهبل انت ؟

قلت لا والله منيب استهبل اول مره اسمع بالحي

قال اي حي قلت الي انت باني فيه حي الترافيان

وهو يضحك واسمع ضحكات من حوله اثره حاطه ع السبيكر

قال انت ماعندك كمبيوتر قلت الا

قال ولا عمرك دخلت ترافيان قلت ابد

حدي منتديات الاسهم ؟

قال ترافيان لعبه

واشتراك السيرفر33

قلت وشو ؟

وانا الي اقطع الخط

ويجلس يدقدق وانا الي مارديت عليه

وارقام غريبه تدق

وتاليها حسبي الله ونعم الوكيل

هو الي يرسل

لي رساله (( حياك الله يابو محمد على النزاله حاطين عشاء في بيتنا الجديد بترافيان ))

وحاطط ههههههههههههه

هذي النهاية..~

مسكييييين مندمج معاه ويبي يشتريه من جد الا وعرف انها لعبة

والله ضحكت عليه من قلب وكمان حزنت عليه
شـ احساساته لما عرف انها لعبة وهو كان محتاج للبيت!!

أتمنى ان تكون قد ناالت اعجابكم..~

تح’ـيآتي..~~~Mish Mish~~

من طرف **وردة لاهور** الخميس سبتمبر 09, 2010 5:22 am

ههههههههههههههههههههههههه
حلوة مسكين ما يعرف ترافيان هذه اللعبة اشهر من نار على علم
مشكورة غلاتي على القصة

ههههههههههههه
حلوة هاذي يسلمووووووو ع القصة

قصة أضحكتني وأحزنتني بنفس الوقت..~

قصة أضحكتني وأحزنتني بنفس الوقت..~

رد: قصة أضحكتني وأحزنتني بنفس الوقت..~

رد: قصة أضحكتني وأحزنتني بنفس الوقت..~